سرینگرپٲرِم پوٗرِس منٛز سُکوٹی ٹرکہ سٍتۍ ٹاس یِنہٕ پتہٕ شخٕص ہلاک۔

سرینگر کِس پپٲرِم پوٗرِ فروٹ منڈی نزدیک سپُد سُکوٹی ٹرکہ سٍتۍ ٹاس یِنہٕ پتہٕ اکھ 50 وۅہر شخٕص ہلاک۔۔

أکۍ اہلکارَن ووٚن زِ یہِ حٲدِثہٕ گوٚو فروٗٹ منڈی پٲرِم پوٗرِس منٛز تَمہِ وِزِ ییٚلہِ أمِس نفرٕ سٕنٛزِ سکوٹی رجسٹریشن نمبر JK13C-9806 وٲلِس ٹرکہِ سۭتۍ ٹاس آو۔

تٔمۍ ووٚن زِ یہِ شخٕص گوٚو زخمی تہٕ آو نزدیٖکی ہسپتال نِنہٕ، ییٚتہِ ڈاکٹرَو سُہ مۅردٕ قرار دِیُت۔

أمِس شخٕصٕچ شناخت آیہِ پتہٕ کلور ٹنگمرگہِ ہٕنٛدِس روزن وٲلِس محمد عبداللہ ماگرے سُنٛد نیٚچُو، محمد انور ماگرے ناوٕ کرنہٕ۔

پولیس چھِ واقعٕچ تفتیش کران۔