زنسکار: ماؤنٹ ڈیلٹا کِس تینتٲلِس پیٹھ پیراگلائیڈنگ تہٕ ایڈونچر کھیلَن منٛز اکھ تٲریٖخی کامیٲبی۔مُشکِل موسمی حالاتن منٛز کوٚر 13 رُکنی ٹیٖمَن ماؤنٹ ڈیلٹا-41 ٕپیرا گلائیڈنگ ذٔریعہٕ سر کٔرِتھ تٲریخ ۔
جنوبی کشمیرَس منٛز قٲیِم جواہر انسٹی ٹیوٹ آف ماؤنٹینیئرنگ اینڈ ونٹر سپورٹسن (جے آئی ایم اینڈ ڈبلیو ایس) چُھ لداخ کِس زنسکار علاقَس منٛز پیراگلائیڈنگ ہٕنٛدِس مٲدانَس منٛز اکھ تٲریٖخی کارنامہٕ پرٛوومُت۔ ادارٕچ 13 رُکنی ٹیٖم کٔر کامیٲبی سان کرگِل کِس ٹینگول علاقَس منٛز ماؤنٹ ڈیلٹا-41 ہَس پٮ۪ٹھ کٔھسِتھ یُس 5,921 میٹر تھوٚد چھُ تہٕ یَتھ ماؤنٹ برمل تہِ چھِ وَننہٕ یِوان گۅڈنِچہِ لَٹہِ براہ راست پیراگلائیڈ کرنس منٛز کامیٲبی حٲصِل۔ کرنل ہیمنت چندر سِنٛگھ سٕنٛدِس قیادتس منٛز گٔیہِ یہِ مُہِم 11 اگست 2026 جے آئی ایم اینڈ ڈبلیو ایس سونہ مرگ سب ٹریننگ سینٹر پٮ۪ٹھہٕ شُروٗع۔ ٹیمَس منٛز ٲسۍ کیپٹن انوپم سنگھ، میڈیکل آفیسر مسوٗح الہی، ٹیم منیجرکیپٹن سب میجر رفیق احمد ملک (ریٹائرڈ)، منیش مخولیا تہٕ مُلکہٕ کٮ۪ن مُختٔلِف حِصو پٮ۪ٹھہٕ آمٕتۍ باقٕے رُکُن شٲمِل۔