گۄڈٕ کرو أسۍ جموں و کشمیر ریاستُک درجہٕ بحال: راہول گاندھی

لوک سبھا ہَس منٛز اپوزیشن لیڈر تہٕ سینئر کانگریس لیڈر راہول گاندھی یَن ووٚن بۄدوارِ دۄہ زِ جموں و کشمیرُک ریاستُک درجہٕ بحال کرُن چھُ کانگریسُک گۄڈٕنیُک قدم، تہٕ ووٚن زِ ہندوستان کِس تٲریخَس منٛز چھُ گۄڈٕنِچہِ لَٹہِ کُنہِ ریاستُک درجہٕ نِنہٕ آمُت۔ "ہِنٛدُستان کِس تٲریٖخس منٛز گۄڈٕنِچہِ لَٹہِ چُھ رِیاستُک درجہٕ نِنہٕ آمُت تہٕ گۄڈٕنِچہِ لَٹہِ آو کانٛہہ رِیاست مركزی زیر انتظام علاقس منٛز تبدیٖل کرنہٕ۔تٔمۍ ووٚن زِ "ریاستُک ریاستُک درجہٕ چھُ ختم کرنہٕ آمُت تہٕ لوٗکَن ہٕنٛدۍ حقوق چھِ نِنہٕ آمٕتۍ”۔گاندھی یَن ووٚن زِ سارِوٕے کھۄتہٕ گۄڈٕ کَرِ أسۍ جموں و کشمیرُک ریاستُک درجہٕ بحال تِکیٛازِ نہ صِرِف چھُ تُہنٛد ریاستُک درجہٕ نِنہٕ آمُت بلکہِ تُہنٛدۍ حقوٗق، تُہنٛدۍ وَسٲیِل چھِ پرٛٮ۪تھ کُنہِ چیزٕ نِش نِنہٕ یِوان”۔