وزیر اعظم نریندر مودی سُنٛد برونائیس منٛز زبردست استقبال۔

وزیر اعظم نریندر مودی ووت بۄموارِ دۄہ برونائی تہٕ سنگاپور کِس ترٛٮ۪ن دۄہَن ہِنٛدِس دورٕ کِس گۄڈٕنِکِس مرحلَس منٛز ییٚتہِ تہٕ برونائی سٕنٛدۍ ولی عہد حاجی المحتادی بلاہن کوٚر ہوٲیی اڈَس پٮ۪ٹھ استقبال ۔ مسٹر مودی چھُ گۄڈٕنیُک ہندوستٲنہِ وزیر اعظم ییٚمہِ دۄن طرفہٕ برونائی ہُنٛد دورٕ کوٚر۔ؤزیٖرِ اعظم سُنٛد دورٕ چُھ تَمہِ وِزِ سپدان ییٚلہِ دۄشوٕے مُلُک سِفارتی تعلُقات قٲیِم کرنٕچہِ 40 ہِم سالگرہ مَناوان چھِ ۔ہِنٛدُستٲنہِ حُکامو چُھ ووٚنمُت زِ مشرِقس منٛز مُلکن سۭتہِ کٲم کرنٕچہِ مسٹر مودی سٕنٛزِ ‘ایکٹ ایسٹ’ پالیسی منٛز چُھ برونایی سُنٛد اَہَم مُقام۔