قٲدٮ۪ن ذات پاتس پٮ۪ٹھ مبنی کٲم دِنۍ چھِ غٲر آیینی: سپریم کورٹ

سپریم کورٹَن دِیُت برٛسوارِ دۄہ ذات پات کِس بُنیادس پٮ۪ٹھ قٲدٮ۪ن کٲم الاٹ کرنُک اصوٗل "غٲر ٲیینی” قرار، تہٕ ووٚنُن زِ مُلکَس منٛز کُنہِ تہِ جیلَس منٛز ہٮ۪کو نہٕ ذات پات ہُنٛد امتیاز کٔرِتھ۔ یِتھۍ امتیازس فروغ دِنہٕ وٲلۍ تمام دفعات گژھن ختم کرنہٕ یِنۍ۔
بیٚنچ کہِ طرفہٕ پیش گژھَن وٲلۍ جسٹس چندرچوڑَن ووٚن، "مرکٔزی حکوٗمتُک جیل مینوَل۔ 2016 ہَس منٛز چھِ خٲمیہٕ۔ ذات پات کِس بُنیادس پٮ۪ٹھ گژھہِ قٲدٮ۪ن ہِنٛز درجہٕ بندی پٮ۪ٹھ پابٔنٛدی لگاونہٕ یِنۍ۔ "
بیٚنچن دِیُت یہِ حُکُم مہاراشٹرٛا کِس کلیان کِس روزَن واجیٚنہِ سُکنیا شانتا سٕنٛزِ عرضی پٮ۪ٹھ دِنہٕ۔ أمہِ سٕنٛزِ عرضی منٛز چھُ الزام زِ مُلکہٕ کٮ۪ن کینٛہَن رِیاستَن منٛز چھِ جیلٕک دستاویز ذات پات کِس بُنیادس پٮ۪ٹھ امتیازَس فروغ دِ