ہندواڑہَس منٛز ملی ٹنٹ مددگار پستول ہٮ۪تھ گِرِفتار: پولیس

جموں و کشمیر پولیسَن چھُ ہندواڑہَس منٛز پستول ہٮ۪تھ اکھ ملی ٹنٹ سٲتھی حراستَس منٛز نِنُک دعویٰ کوٚرمُت۔

پُلیٖس ترجُمانَن ووٚن زِ أکِس مُشترکہٕ کارروٲیی منٛز کوٚر 22 آر آر، 92 بَٹالِین سی آر پی ایف تہٕ جموں و کشمیر پولیسَن یونسو ہندواڑہَس منٛز ملی ٹنٹ سٲتھی گرفتار۔

تٔمۍ ووٚن زِ ملی ٹنٹن ہٕنٛدِس مددگارس نِش آو اکھ پِستول، زٕ میگزین تہٕ 12 راؤنڈ گولہِ برآمد کرنہٕ۔