کپواڑہ جھڑپ: فوجی جوان ہلاک، بیاکھ زخمی، پاکستانی دراندازتہِ ہلاک: دفاعی ترجمان

سرینگر: شُمٲلی کٔشیٖرِ ہِنٛدِس کُپواڑہ ضِلعس منٛز لائن آف کنٹرول (ایل او سی) پٮ۪ٹھ أکِس مُقابلَس منٛز گوٚو فوج ہُنٛد اکھ جوان ہلاک تہٕ بیٛاکھ زخمی تہٕ اکھ نامعلوم پٲکِستٲنہِ درانداز۔
أکِس بیانَس منٛز دِیُت سری نگرَس منٛز قٲیِم أکۍ دِفٲعی ترجمانَن یہِ مُقابلہٕ بارڈر ایکشن ٹیم (بی اے ٹی) ہُنٛد حملہٕ قرار تہٕ ووٚن زِ زٕ پٮ۪ٹھ ترٛےٚ مسلح اہلکار توٚر ایل او سی اَپار تہٕ کٔرٕن مشال سیکٹرَس منٛز أکِس فارورڈ پوسٹَس پٮ۪ٹھ نزدیٖکی پٮ۪ٹھ گولہِ۔

تٔمۍ ووٚن زِ خراب موسمی حالاتن تہٕ انہِ گوٚٹُک فٲیدٕ تُلِتھ توٚر زٕ پٮ۪ٹھ ترٛےٚ پٲکِستٲنہِ مسلح اہلکار مشال سیکٹرَس منٛز ایل او سی تہٕ کٔرٕن فوج کِس فارورڈ پوسٹَس پٮ۪ٹھ نزدیٖکی پٮ۪ٹھٕ گولہِ چلاوٕنہِ شروٗع۔
تٔمۍ ووٚن زِ تَتہِ تعینات ہوشیار فوجیَو دِیُت مضبوٗط جواب۔
ترجُمانَن ووٚن زِ دۄشوٕنی طرفَن درمِیان گولہِ باری منٛز گوٚو اکھ پٲکِستٲنہِ دراندازٕ ہتھیار تہٕ گولہٕ باروٗد سۭتہِ مارنہٕ تہٕ اکھ جنگی دُکان آو برآمد کرنہٕ۔