جنوٗبی فلپائنَس منٛز آو 6.8 شدت ہُنٛد بُنیُل۔

منیلا: بَٹہٕ وارِ دۄہ صُبحٲے آو جنوٗبی فلپائن صوبہٕ سریگاو ڈیل سورَس منٛز ریکٹر سکیلَس پٮ۪ٹھ 6.8 شدت ہُنٛد بُنیُل۔ یہِ زانٛکٲری ٲس فلپائنٕکۍ انسٹی ٹیوٗٹ آف والکینالوجی اینڈ سیسمولوجی دِژمٕژ۔
اِنسٹِٹیوٗٹَن ووٚن زِ زلزلہٕ آو مُقٲمی وقتہٕ مُطٲبِق صُبحٲے 6:22 بجہِ ساحلی شہر لونٛگِنٛگ پٮ۪ٹھٕ 66 کِلومیٖٹر شُمال مشرِقس منٛز 9 کِلومیٖٹر سرٛنٮ۪رَس منٛز۔
زلزلہٕ آیہٕ منڈاناو علاقہٕ کیٛن واریاہن صوبن منٛز تہٕ محسوس کرنہٕ، یمن منٛز اگوسان ڈیل سور، ڈاواو ڈی اورو، داواو سٹی، ڈاواو آکسیڈینٹل تہٕ یوتتھ تام زِ وسطی فلپائن کیٛن کینٛہہ حصن منٛز تہٕ شٲمل چھِ۔

اِنسٹِٹیوٗٹَن ووٚن زِ ٹیکٹونک بُنیُلہِ پتہٕ یِیہِ زلزلہٕ محسوٗس کرنہٕ مگر کانٛہہ نۄقصان گژھِ نہٕ۔