خیبر ایگرو پرائیویٹ لمیٹڈَن چُھ ایکو فرینڈلی بکٹ پیکیجنگس منزنُو زامُت دۄد پروڈکٹ لانٛچ کوٚرمُت۔

خیبر ایگرو پرائیویٹ لمیٹڈ، یُس کٔشیٖرِ ہِنٛدِس دۄدٕ صنعتَس منٛز اکھ نُمایاں ناو چھُ، چھُ ماحولیٲتی دوستانہٕ بالٹی پیکیجنگَس منٛز 1 کِلوگرام زامت دۄدک اکھ نوٚو پروڈکٹ مُتعارُف کوٚرمُت۔سرینگر کِس حیدر پورِس منٛز کمپنی ہٕنٛدِس ہیڈ کوارٹرَس منٛز منعقد گژھَن وٲلِس لانچ تقریبہِ منٛز ٲسۍ خیبر ایگرو پرائیویٹ لمیٹڈٕکۍ منیجنگ ڈائریکٹر منان ترمبو، تہٕ کمشنر آف فوڈ اینڈ ڈرگس ایڈمنسٹریشن (ایف ڈی اے)، جموں و کشمیرَن حشمت علی یاتو (آئی اے ایس) شِرکتن کٔرمٕژ۔نوٚو زامُت دۅد پروڈکٹ، یُس بایوڈیگریڈیبل "آٮٔی ایٚم ایٚل بکٹ” منٛز پیک کرنہٕ آمُت چھُ، چُھ پایدار پیکیجنگ کُن اَکھ اَہَم قدمٕچ نمائندگی کران، یُس ایٚٹ رایِٹ اِنٛڈیا مُہِمہِ ہِنٛدیٚن ماحولِیٲتی دوستانہٕ طریٖقن فروغ دِنہٕ کیٚن مقصدن سۭتۍ ہم آہنگ چُھ ۔ تقریٖبَس منٛز کَتھ کٔرِتھ کٔر کمشنر حشمت علی یاتوَ (آٮٔی اے ایس) ماحولیٲتی ذمہٕ دٲری تہٕ حفاظتَس سۭتۍ خیبر ایگرو سٕنٛدِ وابستگی ہٕنٛز تعریٖف کٔر مژ۔ تٔمۍ دِیُت جدید، ویلیو ایڈڈ مصنوعات متعارف کران فوڈ پروسیسنگس منٛز اعلیٰ معیار برقرار تھاونٕچ اہمیتس پٮ۪ٹھ زور۔