ہندوستانن کٔر کیلیفورنیاہَس منٛز سوامی نارائن مندرَس پٮ۪ٹھ حملٕچ مذمت۔

ہِنٛدُستانن کٔر کیلیفورنیا کِس سیکرامنٹوَس منٛز سری سوامی نارائن مندرَس منٛز بۄموارِ دۄہ رٲژ ہٕنٛدِس حملَس تہٕ توڑ پھوڑ ہٕنٛز مذمت تہٕ کوٚرُن مقٲمی انتظامیہ ہَس ذمہٕ دارَن خٕلاف کاروٲیی کرنُک مُطالبہٕ۔
سان فرانسسکوَس منٛز ہندوستانٕکۍ قونصل خانَن ووٚن ایکس پٮ۪ٹھ أکِس پوسٹَس منٛز زِ "ہندوستانُک قونصل خانہٕ جنرل چھُ 24 ستمبر رٲژ کیلیفورنیا کِس سیکرامنٹو، کیلیفورنیا کِس شری سوامی نارائن مندرَس منٛز حملہٕ، توڑ پھوڑ تہٕ بربریت ہٕنٛز سخٕت مذمت کران”۔
پوسٹَس منٛز ووٚن زِ قونصل خانَن چھُ یہِ معاملہٕ مقٲمی حکامَن سۭتۍ تُلمُت تہٕ ذمہٕ دارَن خٕلاف فوری کاروٲیی ہٕنٛز منٛگ کٔرمٕژ