نیشنل کانفرنسَن کوٚر بۄدوارِ دۄہ حکوٗمتَس پٮ۪ٹھ دعوٕ، حلف برداری ہٕنٛز تقریٖب مُمکِن: عمر عبداللہ

نیشنل کانفرنسٕکۍ نٲیِب صدر عمر عبداللہَن کوٚر جُمعہ دۄہ راج بھونس منٛز لیفٹیننٹ گورنر منوج سنہاہَس سۭتۍ مُلاقات تہٕ کوٚرُن جموں و کشمیرَس منٛز حکومت بناونُک دعویٰ۔ تٔمۍ کوٚر راج بھونس منٛز مرکزی زیر انتظام علاقہٕ کِس لیفٹیننٹ گورنر منوج سنہاہَس سۭتۍ مُلاقات ۔
پتہ چھُ یِوان زِ میٹنگہِ دوران کوٚر عمر عبداللہَن ایم ایل اے یَن ہٕنٛز حمایتٕچ چِٹھۍ منوج سنہاہَس حوالہٕ۔
مُلاقات پتہٕ صحافین سۭتۍ کَتھ باتھ کران ووٚن عمر عبداللہَن زِ "لیفٹیننٹ گورنر منوج سنہاہَس سۭتۍ مِلٮ۪و راج بھونس منٛز یتھ دوران این سی، کانگریس، سی پی آئی (ایم)، عام آدمی پارٹی تہٕ آزاد امیدوارَن ہٕنٛدِ حمایتٕک خط منوج سنہاہَس حوالہٕ کرنہٕ آیہِ۔