اننت ناگ نار متٲثرَن خٲطرٕ چھِ فوری راحت تہٕ بحالی ہٕنٛدۍ اقدامات جٲری: عمر عبداللہ

وزیر اعلیٰ عمر عبداللہَن چھُ اننت ناگ کٮ۪ن نار متٲثرَن سۭتۍ ہمدردی ہُنٛد اِظہار کوٚرمُت تہٕ ووٚنمُت زِ امہِ خوفناک واقعہٕ سۭتۍ متٲثر گژھَن والٮ۪ن ہٕنٛدِ مددٕ خٲطرٕ چھِ فوری راحت تہٕ بحالی ہٕنٛدۍ اقدامات جٲری۔
تٔمۍ ووٚن زِ أسۍ چھِ یَتھ مُشکِل وقتس منٛز مُتٲثِریٖنن سۭتۍ کھڑا ۔
راتھ جنوٗبی اننت ناگ ضِلعہٕ کِس کڈی پورہ گامَس منٛز نار لگنہٕ کِس واقعَس منٛز گٔیہِ اَکھ درجن کھۄتہٕ زِیٛادٕ رِہٲیشی مکان۔
اَتھ واقعَس پٮ۪ٹھ دۄکھُک اِظہار کٔرِتھ ووٚن وزیر اعلیٰ یَن جُمعہ دۄہ پننِس دفتر کِس ‘ایکس’ ہینڈلَس پٮ۪ٹھ أکِس پوسٹَس منٛز: "اننت ناگَس منٛز خوفناک نارَن چھِ واریٛاہ گَرٕ تباہ کٔرمٕتۍ تہٕ واریٛاہ خاندان چھِ بے گھر گٔمٕتۍ۔”
تٔمۍ ووٚن زِ مُتٲثِر لُکن ہٕنٛدِ مدتہٕ خٲطرٕ چھِ فوری راحت تہٕ بحالی ہٕنٛدۍ اقدامات جٲری۔
تٔمۍ ووٚن پوسٹَس منٛز: "أسۍ چھِ یَتھ مُشکِل وقتس منٛز مُتٲثِریٖنَن سۭتۍ کھڑا ۔”