شوپیان سرینگر کِس جنگلی علاقَس منٛز تلاشی کاروٲیی دوران گولہِ چلنٕچ آواز ۔

بۄموارِ دۄہ آیہِ جنوٗبی کشمیر کِس شوپیاں ضلعَس منٛز شکرو کیلر کِس جنگلی علاقَس منٛز عسکریت پسندی خٕلاف کارروٲیی دوران گولہِ چلنٕچ آواز۔ حکامَو ووٚن زِ سیکورٹی فورسَن کٔر بۄموارِ دۄہ صُبحٲے دہشت گردَن ہٕنٛز موٗجوٗدٕگی ہٕنٛز تصدیٖق شُدٕ اطلاع مِلنہٕ پتہٕ تلاشی مہم شُروٗع تہٕ کوٚرُکھ شکرو کیلر جنگلی علاقَس گیرٕ۔ تِمَو کوٚر ذِکِر زِ اتھ وقتس دوران آیہِ گولہِ چلنٕچ آواز بوزنہٕ، ییٚمہِ پتہٕ محاصرٕ مٔزیٖد سخت کرنہٕ آو۔ تِمَو ووٚن زِ علاقَس منٛز چھِ تلاشی آپریشن وُنہِ تہِ جٲری۔