جموں و کشمیر: سرحدی علاقن منٛز صورتحال معمولس پٮ۪ٹھ، مُتٲثِر لوٗکَن ہٕنٛز بحالی خٲطرٕ حکومت سرگرم۔

جموں و کشمیر کٮ۪ن سرحدی علاقن خاص طور پٲٹھۍ کپواڑہ، اُڑی، سانبا، راجوری تہٕ پونچھ منٛز صورتحال چھِ حالیہ تناؤ پتہٕ وارٕ وارٕ معمول پٮ۪ٹھ واپس یِوان۔ فوج تہٕ باقی سیکورٹی ایجنسیہِ چھِ چوکس روزان۔ حالٕے دۄہَن منٛز چھِ پٲکِستٲنہِ طرفہٕ بےٚ اشتعال گولہٕ بٲری، گولہٕ باری تہٕ مشکوک ڈرون سرگرمیَو سرحدی آبٲدی منٛز خوف تہٕ دہشت پٲدٕ کٔرمٕژ، ییٚمہِ سۭتہِ واریٛاہ گامٕک پنٕنۍ گَرٕ ترٲوِتھ محفوظ مقامَن پٮ۪ٹھ گژھَنَس پٮ۪ٹھ مجبور گٔیہِ۔ وارِیاہن كٗمبن گُزٲرِ راتھ مہاجر كیمپن تہٕ پناہ گاہن منز ۔ حکوٗمتَن چھُ حالاتُک سٔنجیٖدٕ نوٹس نِمُت تہٕ چھُ مُتٲثِر خاندانَن ہٕنٛز بحالی تہٕ تِہنٛدِ مٲلی مدتہٕ باپتھ ہنگٲمی اقدامات شُروٗع کٔرمٕتۍ۔ لیفٹیننٹ گورنر منوج سنہا سٕنٛزِ قیادتس منٛز چھِ اِنتِظامیاہَن مُختٔلِف ضِلعن منٛز راحت مرکز قٲیِم کٔرِمٕتہِ ییٚتہِ مُتٲثِر خاندانَن کھٮ۪ن، طِبی سٔہوٗلِیات، روزن جاے تہٕ باقٕے بُنیٲدی ضروٗرتہٕ فراہم یِوان کرنہٕ۔ لیفٹیننٹ گورنر سنہاہن کوٚر راتھ جموں کِس صاحب بندگی آشرمُک دورٕ۔