سرینگر پولیسَن کٔراین ڈی پی ایس ایکٹَس تحت غٲر منقولہ جائیداد ضبط۔

ڈرگ ڈیلرَن خٕلاف پنٕنۍ سخت کارروٲیی جٲری تھٲوِتھ کوٚر سرینگر پولیسَن این ڈی پی ایس ایکٹَس تحت أکِس ڈرگ ڈیلرس نِش لچھَن رۄپیَن ہُنٛد غٲر منقولہ جائیداد ضبط۔ پُلیٖسٕکہِ ترجُمانَن دِژ أکِس بیانَس منٛز تفصیٖل فراہم یَتھ منٛز ونٛنہٕ آو زِ منشیاتَن خٕلاف فٲصلہٕ کُن کارروٲیی منٛز چھِ سری نگر پولیسَن تقریباً 50 لَچھ رۄپیَن ہُنٛد رِہٲیشی جائیداد ضبط کوٚرمُت، یَتھ منٛز اکھ منزلہٕ مکان تہِ شٲمِل چھ تٔمۍ ووٚن زِ یہِ جائیداد چھِ بدنام ڈرگ ڈیلر ہلال احمد بٹَس سۭتۍ، یُس عبدالمجید بٹ سُنٛد نیٚچُو، یُس ہمدانیا کالونی، بیمیناہُک روزَن وول اوس۔