اننت ناگ کٮ۪ن واریٛاہَن علاقَن منٛز ڈرون چلاونَس پٮ۪ٹھ عارضی پابٔنٛدی عٲیِد: پولیس

سالانہٕ شری امرناتھ جی یاترا کِس مدنظر چھِ اننت ناگ پولیسَن واریٛاہَن علاقَن منٛز ڈرونس چلاونَس پٮ۪ٹھ عارضی طور پابٔنٛدی لگٲومٕژ۔ یہِ چھُ قٲبلِ ذِکر زِ شری امرناتھ جی یاترا، یوٚس 38 دۄہَن پٮ۪ٹھ محیط چھِ، یِیہِ 3 جولائی شُروٗع تہٕ 9 اگست رکشا بندھن کِس موقعس پٮ۪ٹھ ختٕم۔ یہِ مقدس زیارت گژھِ 48 کلومیٹر نونوان پہلگام وتہٕ تہٕ 14 کلومیٹر بالتال وتہٕ کٮ۪و روایتی وتہٕ پٮ۪ٹھ بیک وقت شروع، تہٕ لیفٹیننٹ گورنر منوج سنہا سوزِ زائرین ہُنٛد گۄڈنیُک جَتھ 2 جولائی جموں کِس بھگوتی نگر بیس کیمپٕ پٮ۪ٹھٕ کشمیر۔