پہلگام واقعہٕ: این آئی ایس میوٗل دۄن ملزمَن ہُنٛد اضٲفی 10 دۄہَن ہُنٛد ریمانڈ۔

نیشنل انویسٹی گیشن ایجنسی (این آئی اے) چھُ جموں و کشمیرَس منٛز پہلگامَس منٛز پیش یِنہٕ وٲلۍ ملی ٹنٹ حملَس منٛز گرفتار دۄن اَہَم ملزمَن ہٕنٛز مزید تحقیقات خٲطرٕ ژٔنٛدٕروارِ دۄہ عدالتَس نِش مزید 10 دۄہَن ہُنٛد تحویل حٲصِل کوٚرمُت۔ ذرٲیعو چھِ اطلاع دِژمٕژ زِ پرویز احمد تہٕ بشیر احمد۔ یِمَن پٮ۪ٹھ پٲکِستٲنۍملی ٹنٹن پناہ دِنُک تہٕ مدد کرنُک اِلزام چھُ، آے ژٔنٛدٕروارِ دۄہ این آٮٔی اے کِس خصوٗصی عدالتَس منٛز پیش کرنہٕ، ییٚتہِ عدالتَن تفتیشی ایجنسیَس مزید 10 دۄہَن ہُنٛد ریمانڈ دِیُت۔ دۄشوٕے آیہِ 22 جوٗن گِرِفتار کرنہٕ تہٕ دوٚیمہِ دۄہ آے مُقٲمی عدالتَس منٛز پیش کرنہٕ، ییٚتہِ این آے اے یَس گۄڈٕ پانٛژن دۄہَن ہُنٛد حراست منٛز میوٗل۔