شری امرناتھ یاترا: 7 ساسو کھۄتہٕ زِیٛادٕ زائرینن ہُنٛد سٔتِم قافلہ بھگوتی نگر بیس کیمپ پٮ۪ٹھٕ روانہٕ ۔

سخت حفاظتی انتظامات تہٕ ‘بام بم بولے’ نعرن ہٕنٛز گونج درمیان 7 ساس کھۄتہٕ زِیٛادٕ زائرینن ہُنٛد سٔتِم قافلہ بۄموارِ دۄہ صبحٲے شری امرناتھ جی یاترا خٲطرٕ بھگوتی نگر بیس کیمپٕ پٮ۪ٹھٕ کٔشیٖرِ کُن روانہٕ۔ سرکٲرۍ ذٔرایعن ووٚن زِ سٔتِم قافلہٕ یُس7,541 زائرین پٮ۪ٹھ مشتمل چُھ گوٚو بۄموارِ دۄہ صُبحٲے بھگوتی نگر بیس کیمپٕ پٮ۪ٹھٕ 309 لۄکچن تہٕ بجن گاڑیٚن منٛز کٔشیٖر کُن روانہٕ۔ تِمَو کوٚر ذِکِر زِ یِمَو زائرینو منٛز چھِ 4,220 نُنوان پہلگام کُن گژھان ییٚلہِ زَن 3,221 چھِ بالتال بیس کیمپَن کُن روانہٕ گٔمٕتۍ۔