سرینگر کِس کرفالی محلس منٛز نار، کم از کم 10 گَرٕ خاکستر

سرینگرَس منٛز حبکادل علاقہٕ کِس گٔنۍ آبادی وٲلِس کرفالی محلس منٛز رٲژ نارٕ لگنہٕ کِس خوفناک واقعَس منٛز گٔیہِ کم از کم 10 رہٲیشی مکانہٕ سوٗر گٔیہِ، ییٚمہِ سۭتۍ اکھ درجن کھۄتہٕ زیٛادٕ خاندان بے گھر گٔیہِ۔ ذرایعَو دِژ اطلاع زِ بۄدوارِ تہٕ برٛسوارِ دۄہ رٲژ درمِیان لوٚگ حبکادل کِس کرفالی محلس منٛز أکِس مکانَس منٛز نار تہٕ نار لوٚگ جلدٕی نزدیٖکی گَرَن منٛز۔ تِمَو ووٚن زِ امہِ خوفناک نارٕ سۭتۍ پھیلوو علاقَس منٛز خوف، تہٕ زنانہٕ تہٕ شُرِ ٲسۍ روان وٕچھنہٕ آمٕتۍ، ییٚلہِ زَن نار تہٕ دوٚہہ تیوٗت تھوٚد زِ یِم ہٮ۪کَو دوٗرِ پٮ۪ٹھٕ ؤچھنہٕ یِوان۔ فائر اینڈ ایمرجنسی ڈیپارٹمنٹٕک أکۍ اہلکارَن ووٚن امہِ واقعٕچ تصدیٖق یہِ ؤنِتھ زِ نارٕچ معلوٗمات آیہِ صبحٲے 2 بجہِ بجہِ مِلنہٕ۔ تٔمۍ ووٚن زِ رپورٹ موصول گژھنہٕ پتہٕ دستی آیہِ شہرٕک مُختٔلِف فائر سٹیشنَو پٮ۪ٹھ 17 فائر ٹینڈر موقعہٕ جایہِ پٮ۪ٹھ سوزنہٕ۔ تٔمۍ ووٚن ووٚن زِ فائر ٹینڈرَن ہٕنٛزِ شٔدیٖد کوٗشِشہِ پتہٕ آو نار قوبوٗہس منٛز اننہٕ۔ تاہم گٔیہِ اَتھ واقعَس منٛز کم از کم 10 مکانہٕ پوٗرٕ پٲٹھۍ تباہ ۔