کانگریس قیادتٕچ رہنُمٲیی بغٲر گژھِ نہٕ نیشنل کانفرنسَس سۭتۍ کانٛہہ تہِ کتھ باتھ: طارق حمید قرہ

جموں و کشمیر پردیش کانگریس کمیٹی (جے کے پی سی سی) صدر طارق حمید قارا ہن کوٚر بۄدوارِ دۄہ واضح زِ تٔمۍ سٕنٛز پارٹی چھُ نیشنل کانفرنس (این سی) طرفہٕ بُلاونہٕ آمٕژ مُشترکہٕ اجلاسَس منٛز شِرکت نہٕ کرنُک فٲصلہٕ کوٚرمُت تہٕ تِم کرَن نہٕ دِلہِ منٛز مرکٔزی قیادتٕچ ہِدایَت حٲصِل گژھنَس تام کُنہِ تہِ اِتحادٕ کِس بَحَژ منٛز شٲمِل۔
سرینگرَس منٛز ژیٖرۍ شامَس صحافیَن سۭتۍ کتھ باتھ کٔرِتھ ووٚن طارق قرہَن زِ أسۍ کٔرِو نہٕ نیشنل کانفرنسہِ طرفہٕ بُلاونہٕ آمٕژ کُنہِ تہِ میٹنگہِ منٛز شِرکت یوٚت تام نہٕ اسہِ پننہِ مرکٔزی قیادتَس طرفہٕ واضح ہِدایَت میلہِ۔
تٔمۍ ووٚن زِ پارٹی چھِ پنٕنۍ مُستقبِل حکمت عملی دِلہِ ہایی کمانَس برٛونٛہہ کُن پیش کٔرمٕژ تہٕ حتمی فٲصلہٕ یِیہِ قیادتَس دِنہٕ۔
بۄدوارِ دۄہ آیہِ سرینگرَس منٛز کانگریس قانون ساز پارٹی ہُنٛد اجلاس مُنعقد کرنہٕ، یَتھ منٛز ریاستٕچ سیاسی، اِنتظٲمی تہٕ اقتصٲدی صورتحالَس پٮ۪ٹھ تفصیلی بَحَژ آیہِ کرنہٕ۔ طارق قرہ سٕنٛدِ مُطٲبِق ہیوٚک نہٕ یہِ اجلاس پوٗرٕ گٔژھِتھ تہٕ یہِ آو برٛسوارِ دۄہ دُبارٕ بُلاونہٕ۔