لیفٹیننٹ گورنر منوج سنہاہَن کوٚر وادی کِس گۄڈنِکِس "باغ گُل داوودُک” دورٕ۔

جموں و کشمیرٕکۍ لیفٹیننٹ گورنر منوج سنہاہَن کوٚر بَٹہٕ وارِ دۄہ وادی ہٕنٛدِس گۄڈنِکِس باغ گُل داؤدس معٲینہٕ، یُس حالٕے لوٗکَن ہٕنٛدِ خٲطرٕ کھولنہٕ آو ۔ یہِ باغ چھُ سرینگر کِس بوٹینیکل گارڈنس منٛز قٲیم کرنہٕ آمُت تہٕ یہِ چھُ پننہِ نوعیتُک گۄڈنیُک منصوبہٕ، یُس رنگو تہٕ خوشبو سۭتۍ سجاونہٕ آمُت چھُ أکِس نٔوِس سیاحتی مرکز طور۔
أکی سرکٲرِ ترجمانَس مُطٲبِق چھُ یہِ باغ تقریباً 100 کنالَن پیٹھ پھہلِتھ تہٕ چھُ ساسہٕ بٔدۍ قٕسمہٕ کٮ۪ن پوشَن ہٕنٛز نُمٲیِش کران، ییٚمہِ سۭتۍ یہِ نہ صرف مقٲمی بسکیٖنن خٲطرٕ بلکہِ قومی تہٕ بین الاقوٲمی سیاحن خٲطرٕ تہِ اکھ پُرکشش مقام چھُ۔ یہِ باغ چھُ وادی ہٕنٛز قۄدرتی خوبصوٗرتی تہٕ موسمی رنگن ہٕنٛدِ امتزاج پٲٹھۍ ڈیزائن کرنہٕ آمُت تاکہ ہردٕچ خوبصورتی یِیہِ ہُراونہٕ۔
قٲبلِ ذِکِر کتھ چھےٚ یہِ زِ 25 اکتوبر کوٚر وزیر اعلیٰ عمر عبداللہ ہَن اَمہِ باغُک افتتاح ییٚلہِ زَن سٲبقہٕ ؤزیٖرِ اعلیٰ ڈاکٹر فاروق عبداللہ ہَن تہِ کوٚر از امیُک خصوٗصی دورٕ تہٕ کٔرٕن محکمہٕ باغبانی ہٕنٛزن کوٗشِشن ہٕنٛدۍ تعریٖف۔