جموں و کشمیر ٹیچرس ایسوسیشنن کوٚر جموں و کشمیر کوآرڈینیشن کمیٹی ہٕنٛدِ اشتعراقہٕ سۭتۍ سرینگرَس منٛز اکھ آگٲہی پروگرام منعقد۔

جموں و کشمیر ٹیچرس ایسوسیشنن کوٚر از بومہٕ وارِ دۅہ جموں و کشمیر کوآرڈینیشن کمیٹی ہٕنٛدِ اشتعراقہٕ سۭتۍ سرینگرَس منٛز اکھ آگٲہی پروگرام منعقد۔ پروگرامُک مقصد اوس تنظیمہٕ کین ارکانن منشیاتُک غلط استعمالُک بڑوُن خطرٕ، سکولن منٛز بچن ہٕنٛز حفاظت، تہٕ باقی متعلقہٕ مسلن متعلق آگٲہی دِنۍ۔ پروگرامَس منٛز ٲسۍ ڈائریکٹر آف ایجوکیشن نصیر احمد وانی، جوائنٹ ڈائریکٹر سید شبیر احمد، افسانہ نگار تہٕ ریڈیو براڈکاسٹر محمد حسین ظفر تہٕ چیف ایجوکیشن آفیسر سری نگر غلام محی الدین بٹن شرکت کٔرمٕژ یِمو وۅستادن ہٕنٛدۍ تعریف کٔرۍ۔ محمد حسین ظفرن کٔر دٔلیٖلہٕ ذٔریعہٕ سماجَس منٛز وۅستادن ہٕنٛدِس کردارَس تہٕ چلینجن مُتعلِق پنٕنۍ خیالات پیش۔ اَتھ موقعس پٮ۪ٹھ آے تِم سماجس خٲطرٕ تمہِ سٕنٛزن خدماتن ہٕنٛدِس اعترافس منٛز اعزازٕ کِنۍ نوازنہٕ۔ تنظیمٕکۍ سربراہ شاہ فیاضَن دِیُت اَتھ کتھہِ ہُنٛد اعادہ زِ برٛونٛہہ کُن روزِ تنظیم یِتھۍ پروگرام منعقد کرنَس منٛز برتری حٲصِل کران۔ تنظیمٕکۍ جنرل سیکریٹری حاتم قیومَن کوٚر تمام پژھٮ۪ن ہُنٛد شکریہ تہٕ زور دِیُتُن زِ معاشرٕ کِس پرٮ۪تھ طبقہٕ کٮ۪ن رُکنَن چھُ سمٲجی برٲیہِ رُکاونہٕ خٲطرٕ برٛونٛہہ کُن قدم تھاونٕچ ضرورت۔ سینئر ارکانو تہِ کٔر پروگرامس منٛز شرکت یِمن منٛز اعجاز احمد ڈار،شاہ عاشق اشفاق شاہ،اوتار بھٹ،افتخار گیلانی تہٕ باقٕے ممبر تہِ یِمو امہِ موضوع کہ لحاظہٕ اظہارِ خیال کوٚر۔