بجلی فیسس منٛز ہُریرٕچ خبر چھےٚ بے بُنیاد: وزیر اعلیٰ عمرعبداللہ سٕنٛز وضاحت

جموں و کشمیرٕکۍ وزیر اعلیٰ عمر عبداللہ ہَن کوٚر ژٔندٕروارِ دۄہ واضح زِ حکوٗمتَس چھُنہٕ بجلی فیس ہُرراونُک کانٛہہ منصوبہٕ زیر غور ۔ تٔمۍ ووٚن زِ یہِ افواہ چھےٚ بے بُنیاد تہٕ چھےٚ لُکن گمراہ کرنٕچ کوٗشش۔
میڈیاہَس سۭتۍ کتھ کٔرِتھ ووٚن وزیر اعلیٰ ہن ‘بہٕ چھُس نہ صرف وزیر اعلیٰ بلکہِ ریاستُک بجلی ہُنٛد وزیر تہِ۔ اگر کانٛہہ تجویز زیر غور آسہِ، مٮ۪ے آسہٕ گۄڈٕ پے، مگر حقیقت چھےٚ یہِ زِ اتھ معاملس پیٹھ چھنہٕ کانٛہہ تہِ بحث سپٕزمٕژ۔’ تٔمۍ ووٚن ووٚن زِ کینٛہہ عُنصُر چھِ بجلی فیسَس منٛز ہُریرَس مُتعلِق غلط فہمی پٔھہلاوان، یُس سمجھہِ نیبر چھُ۔
عمر عبداللہ ہَن ووٚن زِ حکوٗمتَن چھُ گۄڈَے موجودٕ مالی ورۍ کِس بجٹَس منٛز واضح کوٚرمُت زِ بجلی فیسَس منٛز گژھِ نہٕ کانٛہہ ہُریر۔ تٔمۍ دِیُت زور زِ عوامس پزِ نہٕ بُنیٲدی خبرن کُن توجہ دِیُن تہٕ حکومت چھےٚ شفاف پالیسین خٲطرٕ پرعزم ۔