چِلا کلانٕچ غٲر اعلانیہ آمد: مٲدٲنی تہٕ پہٲڑی علاقن منٛز رٲژ ہِنٛدِس درجہٕ حرارتس منٛز لگاتار کٔمی،وادی منز عام لوکن ہندِ خاطرہ مشکل صورتحال،شوپیان، پلوامہ، اننت ناگ، پانپورہ، بارہمولہ، بانڈی پورہ تہٕ پہلگامَس منٛز چھِ شٔدیٖد سردی۔

سردی ہٕنٛزِ لَہر چھےٚ سرینگرَس سان سٲرِسٕے وادی کٔشیٖرِ منٛز تہٕ شٔدیٖد سردی سۭتۍ چھِ لوٗکَن ہٕنٛدِ خٲطرٕ سخٕت صورتحال پٲدٕ گٔمٕتۍ، تِکیٛازِ رٲژ درجہٕ حرارت 5 پٮ۪ٹھٕ 6 ڈگری تام کم گژھُن تہٕ صُبحَس تہٕ دُپہرَس شینہٕ واو سۭتۍ چھُ نقل و حرکت تقریباً ناممکن گٔمٕژ۔ رٲژ ہُنٛد درجہٕ حرارت منفی 4.5 ڈگری آسنہٕ سۭتۍ چھُ سرینگرَس منٛز سردی مضبوٗط ، ییٚلہِ زَن شوپیان، پلوامہ، اننت ناگ، پانپور، بارہمولہ تہٕ پہلگامَس منٛز شدیٖد سردی چھےٚ۔ سرینگر میٹرولوجیکل سینٹرَن چھُ یہِ پیشنگویی دہرٲومٕژ زِ سردی ہٕنٛز لہر روزِ کم از کم 2 دسمبر تام جٲری، تہٕ وارننگ دِژمٕژ زِ اتھ عرصَس دوران ہیکہِ درجہٕ حرارت 1 پٮ۪ٹھٕ 2 ڈگری تام کم گژھِتھ۔ 21 دسمبر پیٹھٕ شُروع گَژھن وول 40 دۄہَن ہُنٛد چِلہ کلان چھُ گۄڈَے کینٛہہ ہفتہٕ برٛونٛہہ غٲر اعلانیہ شُروٗع گوٚمُت۔