لیفٹننٹ گورنرسُنٛد ودھو شیکھرَس بطور اے ڈی سی تبدیٖلی ہُنٛد حُکُم،سید قمر سجاد نٔوۍ سیاحت ڈائریکٹر مقرر۔
2025 گورنمنٹ آرڈر نمبر 1555-جے کے (جی اے ڈی) مُطٲبِق چھُ جموں و کشمیر کیبل کار کارپوریشنُک منیجنگ ڈائریکٹر سید قمر سجاد جے کے اے ایس منتقل کٔرِتھ ڈائریکٹر سیاحت کشمیر مقرر کرنہٕ آمُت۔ سُہ روزِ بیٚیِس حُکمَس تام جموں و کشمیر کیبل کار کارپوریشنُک منیجنگ ڈائریکٹرسٕنٛز اضٲفی ذِمہٕ وٲری تہِ جٲری تھٲوِتھ۔
یِتھۍ حُکمَس منٛز چھُ پنکج مگوترا جے کے اے ایسس تحت جنرل ایڈمنسٹریشن ڈیپارٹمنٹ کمانڈ ایریا ڈیولپمنٹ جمیُک ڈائریکٹر مُقرر کرنہٕ آمُت۔ اَمہِ علاوٕ چھُ لیفٹیننٹ گورنرن وِدھو شیکھر آے اے ایس (اے جی ایم یوٹ: 2021) سٕنٛدِ طرفہٕ جٲری کردٕ گورنمنٹ آرڈر نمبر 1554 جے کے (جی اے ڈی) 2025 تحت أکِس خٲلی عہدَس بدلہٕ بطور ایڈیشنل ڈپٹی کمشنر (اے ڈی سی)، جموں تعینات گوٚمُت۔
کمشنر/سیکریٹری ایم راجو آئی اے ایس سٕنٛدِ طرفہٕ جٲری کرنہٕ آمٕتۍ منتقلی ہٕنٛدۍ حُکُم چھِ فوری طور نٲفذ کرنہٕ آمٕتۍ۔