مُغل روڈ، سری نگر-لیہہ ہائی وے تہٕ سنتھن روڈ گٔیہِ تازٕ شیٖن پیٚنہٕ کِنہِ بنٛد

تازٕ شیٖن پیٚنہٕ کِنہِ آو جنوبی کشمیرَس منٛز شوپیاں ضِلعس جموں کِس پونچھ تہٕ راجوری ضِلعن سۭتۍ جوڑن واجنہِ تاریخی مغل سڑکہِ پٮ۪ٹھ تہٕ وادی لداخ کِس مرکزی زیر انتظام علاقس سۭتۍ جوڑن واجنہِ سری نگر-لیہہ شاہراہَس پٮ۪ٹھ ٹریفک رُکاونہٕ۔ وونہِ گو٘ ، سری نگر-جموں قومی شاہراہَس پٮ۪ٹھ ، یُس وادی مُلکہٕ کٮ۪ن باقٕے حِصن سۭتہِ رَلاوان چھُ ، چھُ معموٗل پٲٹھۍ جٲری۔ ٹریفک حکامَو ووٚن زِ مُغل روڈ، سری نگر-لیہہ ہائی وے تہٕ سنتھن روڈ چھِ تازٕ شیٖن پیٚنہٕ کِنہِ ٹریفک خٲطرٕ بنٛد کرنہٕ آمٕژ۔ تِمَو ووٚن ووٚن زِ سرینگر-جموں قومی شاہراہَس پٮ۪ٹھ چھُ دۄن طرفن ہُنٛد ٹریفک، یُس وادی باقٕے مُلکس سۭتۍ رَلاوان چھُ، چھُ معموٗل پٲٹھۍ جٲری۔ حکامَو چھِ لوٗکَن ہدایت دِژمٕژ زِ تِم کرَن پوٗرٕ بحٲلی تام یِمَن سڑکَن پٮ۪ٹھ سفر کرنہٕ نِش بچُن۔ لوٗکَن چھُ مشورٕ دِنہٕ آمُت زِ تِم دِن افواہَن کُن توجہ نہٕ دِنہٕ، بٔلکہِ ٹریفک پولیسُک ٹویٹر ہینڈل، فیس بُک پیج، تہٕ ٹریفک کنٹرول یونٹ، جموں تہٕ ٹریفک کنٹرول یونٹ، سرینگر کہِ ذٔریعہٕ یِمن سڑکَن ہٕنٛز حالت ؤچھِن۔