کٔشیٖرِمنٛز وندٕ صحیح تیز تہٕ سخت، ڈل جھیٖل تہٕ باقٕے ٲبی ذٔخیٖرن تُلہٕ کتُر۔

وادی کشمیرَس منٛز خۄشٕک موسمَس دوران چھُ ونٛدٕ سردی جٲری، ییٚمہِ سۭتۍ لوٗکَن مُختٔلِف مُشکِلات پٲدٕ گٔیہِ

وادی منٛز رٲژ ہُنٛد درجہٕ حرارت لٔگِتھ بۄن تہٕ برفیلی واو یِنہٕ سۭتۍ چھِ مشہوٗر ڈل جھیلٕکۍ کینٛہہ حصہٕ لٔگِتھ گٔمٕتۍ۔ ہیٚرمٮ۪ن علاقَن منٛز چھِ زیادٕ تر ٲبی ذخٲیر، حتیٰ کہ گَرَن منٛز لگاونہٕ آمٕتۍ نَلکہٕ تہِ چھِ لٔگِمٕتۍ، ییٚمہِ کِنۍ صُبحَس وضو کَرن والٮ۪ن لوٗکَن آبٕچ کٔمی چھِ گژھان۔

کٔشیٖرِ موسمہٕ مُطٲبِق روٗد جنوٗبی کشمیرَس منٛز شوپیاں وادی ہُنٛد سارِوٕے کھۄتہٕ سرد علاقہٕ، ییٚتہِ کم از کم درجہٕ حرارت منفی 8.2 ڈگری سیلسیس ریکارڈ آو کرنہٕ۔ پلوامہ ہَس منٛز آو رٲژ ہُنٛد درجہٕ حرارت منفی 8.0 ڈگری سیلسیس ریکارڈ کرنہٕ، سیاحتی مُقام پہلگامَس منٛز آو رٲژ ہُنٛد درجہٕ حرارت منفی 7.8 ڈگری سیلسیس ریکارڈ کرنہٕ، تہٕ اننت ناگ ضِلعَس منٛز آو کم از کم درجہٕ حرارت منفی 7.0 ڈگری سیلسیس ریکارڈ کرنہٕ۔