جموں و کشمیر: سامبہ کِس بین الاقوٲمی سرحدس پیٹھ آو ہتھیار تہٕ گولہ بارود برآمد کرنہٕ۔

سیکورٹی فورسَن چھِ جموں و کشمیر کِس سامبا ضِلعس منٛز بین الاقوٲمی سرحدَس پیٹھ تلاشی کارروٲئی دوران ہتھیار تہٕ گولہٕ بوروٗد برآمد کٔرمٕتۍ، یُس باسان چھُ زِ یہِ چھُ ڈرون کہِ ذٔریعہٕ تراونہٕ آمُت۔
حکامَو ووٚن زِ سیکیورٹی فورسَن ہٕنٛدِ أکہِ مُشترکہٕ ٹیٖمَن کٔر جُمعہ رٲژ گھگوال کِس پالورا گامَس منٛز سرحَدس اَپارِ شَکاوَر ڈرونَن ہٕنٛز نقل و حرکتٕچ اطلاع مِلنہٕ پتہٕ تلاشٕچ کاروٲیی شُروٗع
تِمَو ووٚن زِ اَتھ کاروٲیی دوران کٔر سیکورٹی فورسَن بابر نالہ ہَس منٛز اکھ پیکیٹ برآمد یَتھ منٛز 2 پِستول ، 1 ہینڈ گرنیڈ، 3 میگزین تہٕ 13 پِستول گولہِ ٲس۔
تِمَو ووٚن زِ علاقَس منٛز چھِ حفاضت مٔزیٖد سخت کرنہٕ آمٕژ تہٕ معاملٕچ تفتیش چھِ جٲری۔