کٔشیٖر: رٲژہٕنٛدِس درجہٕ حرارتَس منٛز بہتری سۭتۍ چھُ ونٛدٕچ سختی ہنا کم۔
وادی کشمیرَس منٛز رٲژ ہُنٛد درجہٕ حرارتَس منٛز بہتری سۭتۍ چھُ لوٗکَن ونٛدٕ کِس تیز سردی نِش کینٛہہ راحت میلان۔
کٔشیٖرِ موسمہٕ مُطٲبِق آو رٮ۪تہٕ کالہِ دارالحکوٗمت سرینگرَس منٛز کم از کم درجہٕ حرارت منفی 2.4 ڈگری سیلسیس ریکارڈ کرنہٕ، ییٚلہِ زن پٔتمہِ رٲژ ہُنٛد درجہٕ حرارت منفی 5.2 ڈگری سیلسیس اوس۔
وادی کٮ۪ن مشہوٗر سیاحتی مقامات، گُلمرگ تہٕ پہلگامَس پٮ۪ٹھ آو رٲژ ہُنٛد درجہٕ حرارت منفی 3.4 ڈگری سیلسیس ریکارڈ کرنہٕ، ییٚلہِ زن پٔتمہِ رٲژ ہُنٛد درجہٕ حرارت بِلترتیب منفی 6.2 ڈگری سیلسیس تہٕ منفی 7.6 ڈگری سیلسیس ریکارڈ کرنہٕ آو۔
سرحدی ضِلعہٕ کُپواڑہَس منٛز اوس کم از کم درجہٕ حرارت منفی 3.7 ڈگری سیلسیس، ییٚلہِ زَن قاضی گُنٛڈ شَہرَس یَتھ کشمیر گیٹ وے ونان چھِ، رٲژ ہُنٛد درجہٕ حرارت آو منفی 3.6 ڈگری سیلسیس ریکارڈ کرنہٕ۔
وادی منٛز روٗد جنوٗبی ضِلعہٕ پلوامہ سارِوٕے کھۄتہٕ سرد علاقہٕ، یَتھ منٛز کم از کم درجہٕ حرارت منفی 6.5 ڈگری سیلسیس اوس، ییٚلہِ زَن اننت ناگ، پلوامہ تہٕ کُلگام ضِلعن منٛز رٲژ ہُنٛد درجہٕ حرارت بِلترتیب منفی 3.9 ڈگری سیلسیس تہٕ منفی 5.2 ڈگری سیلسیس ریکارڈ کرنہٕ آو۔