بانڈی پورہَس منٛز نارَس منٛز بی ایس ایف اہلکار ہلاک۔

شُمٲلی کشمیر کِس باندی پورہ ضِلعس منٛز رٲژ بارڈر سیکیورٹی فورس (بی ایس ایف) کِس کیمپَس منٛز أکِس بیرکَس منٛز نار لگنہٕ سۭتۍ گٔیہِ بی ایس ایفُک اکھ اہلکار ہلاک ۔
حکامَو ووٚن زِ بانڈی پورہ کِس مدر علاقَس منٛز بی ایس ایف کِس 62 بٹالین کیمپَس منٛز لٔکرِ تہٕ ٹین چادرَو سۭتۍ بنیمٕژ أکِس بیرکَس منٛز لوٚگ رٲژ 2:45 بجہِ نار۔
تِمَو ووٚن زِ اَتھ واقعَس منٛز موٗد بی ایس ایفُک اکھ اہلکار ییٚمِچ شناخت پنجابُک روزَن وول رمیش کُمار ناوٕ سٕتہِ سپٕدمٕژ۔
أتھۍ دوران چھُ حکامَو واقعہٕ ہُنٛد نوٹس دِیُتمُت تہٕ کٔرٕکھ کاروٲیی شُروٗع۔