ایرانٕک سپریم لیڈر آیت اللہ علی خامنہ امریکی تہٕ اسرائیلی حملَس منٛز ازجان۔
ایرانُک سپریم لیڈر آیت اللہ علی خامنہ ای آو بَٹہٕ وارِ دۄہ صُبحٲے ایرانٕچ رازدٲنی تہرانَس پیٹھ امریکہ تہٕ اسرٲیلَن ہٕنٛدِ مُشترکہٕ فضائی حملَس منٛز ہلاک کرنہٕ۔ ایرانٕک سرکٲری ذرایہ ابلاغن کٔر امہِ افسوسناک خبرِ ہٕنٛز تصدیٖق، ییٚمہِ سۭتۍ مشرق وسطیٰ منٛز شدید تناؤ پٲدٕ گوٚو۔
رپورٹو مُطٲبِق آو شُمٲلی تہرانَس منٛز علاقن نشانہٕ بناونہٕ، ییٚتہِ صدارتی محلس تہٕ ‘شمیران’ منٛز سپریم لیڈر سٕنٛزِ رہٲیشہِ نزدیٖک واریاہ میزائل پیوٚو۔ ایرانی خبر رساں ایجنسی ‘فارس’ مُطٲبِق اوس آیت اللہ خامنہ ای پننِس دفترَس منٛز پنٕنۍ فرائض انجام دِوان ییٚلہِ حملہٕ سپُد۔
آتھوارِ دۄہ کوٚر ایرٲنی میڈیاہَن بیاکھ اکھ بوٚڈ انکشاف، یَتھ منٛز یہِ خبر دِژ زِ اَتھ حملَس منٛز گٔیہِ آیت اللہ خامنہ ای سٕنٛز کورِ، زامتٕر تہٕ پوُر تہِ مارٕ۔ انقلابی قیادتٕکۍ قریبی ذرایعو چھِ یِمَن ہلاکتن ہٕنٛز تصدیق کٔرمٕژ، یِمو ایرٲنی قیادتَس شٔدیٖد دھچکا لوٚگمُت۔
امریکی صدر ڈونلڈ ٹرمپَن ووٚن اَتھ صورتحالَس پیٹھ ردِعمل دِوان زِ "یہِ چھُ ایرٲنی عوامَن باپتھ یہِ حکومت بدلاونُک اکھ بہترین موقعہٕ”۔