سونوارَس منٛز اقوام متحدہ کِس دفترَس نٮ۪برٕ کٔنۍ احتجاجی دھرنا۔

ایرانٕکۍ سپریم لیڈر آیت اللہ سید علی خامنہ ای سٕنٛدِ شہادت پتہٕ وادی کشمیر أنٛدۍ پٔکۍ علاقَن منٛز شروع گژھن وٲلۍ احتجاجی مُظٲہرَن ہُنٛد سلسلہٕ چھُ جٲری۔ سونوار، سرینگرَس منٛز آو اقوام متحدٕکِس دفترَس نٮ۪برٕ کٔنۍ اکھ بٔڑ احتِجاجی دھرنُک انعقاد کرنہٕ یَتھ منٛز بٔڑِس تعدادَس منٛز مرد، زنانہٕ تہٕ نوجوان شٲمِل ٲسۍ۔
مُظٲہِرین ٲسۍ بینر تہٕ پلے کارڈ ہیتھ یمن پیٹھ ایران کین لوکن سۭتۍ یکجہتی ہُند اظہار تہٕ امریکہ تہٕ اسرٲیلَس خٕلاف سخت احتجاجُک اظہار اوس کرنہٕ آمُت۔ شرکاءو کوٚر آیت اللہ خامنہ ای سٕنز شہادت مسلم دنیاہس پیٹھ اکھ بوٚڈ حملہ قرار۔ تِمَو تُل واشنگٹن تہٕ اسرٲیلٕکۍ کردارن خلاف سخت نعرہ بازی تہٕ بین الاقوٲمی برادری اپیل زِ تِم کٔرِن خطس منٛز بڑوُن تناؤ رُکاونہٕ خٲطرٕ فوری اقدامات۔
احتجاجس دوران وون واریاہو مقررو زِ آیت اللہ خامنہ ای سٕندِ مرنہٕ سٍتۍ چھُ سٲرۍسٕے مسلمان دنیاہس غمگیٖن تہٕ کٔشیٖرِ ہٕندۍ لوٗکھ چھِ اتھ غمس تہٕ پریشٲنی منز برابر شریک سپدان۔