سمارٹ سٹی بس سروس گژھِ شہرٕک حدودَن تام محدوٗد آسٕنۍ۔ ٹرانسپورٹرن ہُنٛد ونُن چھُ زِ امِچ توسیع کر ساسہٕ بدؠن لوٗکَن ہٕنٛز روزی روٹی متٲثِر۔

وادی منٛز ٹرانسپورٹرَو چھُ اَمہِ حکومتی اقدام ہٕنٛز مخالفت کٔرمٕژ تہٕ چھُکھ ہڑتالُک مُطالبہٕ کوٚرمُت۔ حالانٛکہِ سمارٹ سٹی بس خٕدمات چھِ ضِلعہٕ تہٕ تحصیل ہیڈ کوارٹرَن تام بَڑاونہٕ آمٕژ تاکہِ وادی کٮ۪ن لوٗکَن واریاہ کم کرایَن پٮ۪ٹھ بہتر تہٕ سمارٹ ٹرانسپورٹٕچ سٔہوٗلِیات فراہم کرنہٕ یِوان، مگر وادی منٛز ٹرانسپورٹَر چھِ تِہنٛدِس معاشس پیٹھ اَمیُک اثر دِتھ حکوٗمت کِس اقدامٕچ مُخٲلِفت کران۔ وادی منٛز چھُ ٹرانسپورٹرَو اَتھ حکومتی اقدام ہٕنٛز مخالفت کٔرمٕژ تہٕ چھُکھ ہڑتالُک مطالبہٕ کوٚرمُت، تہٕ چھُکھ تحصیل تہٕ ضِلعہٕ ہیڈ کوارٹرَن تام سمارٹ سٹی بس سروس بڑاونَس پیٹھ فوری پابٔنٛدی ہُنٛد منٛگ کٔرمٕژ۔ جنوٗبی کشمیر کِس پلوامہ ضِلعَس منٛز گٔیہِ ٹرانسپورٹ ایسوسی ایشنہٕ دارسو پلوامہ کِس بس سٹینڈَس پیٹھ جمع تہٕ کٔرٕکھ سمارٹ سٹی بس سروس بڑاونٕک حکوٗمت کِس فٲصلَس خلاف پُر امن احتِجاج۔ میڈیاہَس سۭتۍ کَتھ باتھ کٔرِتھ ووٚن ٹرانسپورٹرَن زِ یہِ حکومتی اقدام چھُ اَتھ پیشَس سۭتۍ وابستہٕ ساسہٕ بٔدۍ نوجوانَن ہُنٛد معاش مُتٲثِر کران۔