*ڈی آئی جی ایس کے آرَن کوٚر پلوامہ ہَس منٛز جُرم، سیکورٹی تہٕ انسداد دہشت گردی گرڈُک جٲیزٕ*

ڈپٹی انسپکٹر جنرل آف پولیس، جنوٗبی کشمیر رینج (ایس کے آر)، جناب جاوید اقبال متو-آئی پی ایسَن کوٚر آز ضلعہٕ پلوامہ ہُک دورٕ تہٕ کٔرٕن ڈسٹرکٹ پولیس لائنز (ڈی پی ایل) پلوامہ کِس کانفرنس ہالَس منٛز جُرمَن تہٕ سیکورٹی جٲیزٕ کِس اجلاسٕچ صدارت۔ اَتھ میٹنگَس منٛز کٔر ایس ایس پی پلوامہ محترمہ تنوشری-آے پی ایسَس سۭتۍ پلوامہ پولیسٕک باقٕے سینئر افسرَن شرکت، یِمَن منٛز سپروائزری افسر، ایس ایچ او تہٕ تفتیشی افسر شٲمِل ٲسۍ۔ میٹنگہِ دوران آو جُرمُک مجموعی منظر نامہٕ، معاملَن ہٕنٛز تفتیش، این ڈی پی ایس معاملات، تہٕ احتیاطی اقداماتُک تفصیلی جٲیزٕ نِنہٕ۔ ڈی آئی جی یَن کوٚر ضِلعَس منٛز دہشت گردی خٕلاف کوٗشِشن تہٕ دہشت گردی خٕلاف گرڈ مضبوٗط بناونَس پٮ۪ٹھ خاص توجہ دِتھ موجودٕ سیکورٹی منظر نامُک تہِ جٲیزٕ۔ سیکورٹی ایجنسیَن درمیان ہم آہنگی بڑاونَس پٮ۪ٹھ آو زور دِنہٕ، علاقَس پٮ۪ٹھ غلبہٕ شٔدیٖد کرنہٕ، تہٕ خفیہ نیٹ ورکَن ہٕنٛز مضبوٗطی تاکہ قوم دشمن عناصرن ہٕنٛزِ کُنہِ تہِ کوٗشِشہِ ناکام بناونہٕ۔