*حاجؠن ہنز گَرٕ واپسی: گۄڈٕنِچ کھیپ وٲژ سرینگر *
جموں و کشمیر پیٹھٕ حج زائرین ہٕنٛز گۄڈٕنِچ کھیپ ووت بوموارِ دۄہ سرینگر بین الاقوٲمی ہوٲیی اڈَس پیٹھ، ییٚمہِ سۭتۍ حج 2026 چہِ کاروٲیی ہٕنٛز واپسی ہُنٛد مرحلہٕ شروع گوٚو۔افتتٲحی پروازَس منٛز ٲسۍ 144 زائرین نِمٕتۍ، یِمَن ہَوٲیی اڈَس پٮ۪ٹھ جموں و کشمیر کِس وزیر اعلیٰ عمر عبداللہ، مشیر ناصر اسلم وانی، ڈپٹی کمشنر بڈگام اطھر عامر خان تہٕ باقٕے اعلیٰ سول تہٕ پولیس اہلکارَن استقبال کوٚر۔خبر رساں ایجنسی کشمیر نیوز آبزرور (کے این او) مُطٲبِق ووٚن جموں و کشمیر حج کمیٹی ہٕنٛدِ چیف ایگزیکٹیو آفیسر ڈاکٹر شجاعت احمد قریشی یَن میڈیاہَس سۭتۍ کتھ باتھ زِ گۄڈٕنِچہِ واپسی پروازَس منٛز طے شُدٕ تمام 144 زائرین وٲتۍ محفوٗظ سان سری نگر۔تٔمۍ ووٚن زِ بیچَس منٛز ٲسۍ 74 مرد تہٕ 70 زنانہٕ حاجی شٲمِل۔