رِیزرویشن قونون چھُ گۅڈے موجود، اَمہِ کِس نفاذَس منٛز تاخیر مُتعلِق سوال چھِ ناگزیر: محبوبہ مفتی۔2023 ہَس منٛز کوٚر پارلیمنٹَن جموں و کشمیر ریزرویشن (ترمیمی) ایکٹ منظوٗر، ییٚمۍ 2004 کِس قونوٗنَس منٛز ترمیم کٔر۔
مرکزی زیر انتظام علاقہٕ جموں و کشمیرٕچ رٮ۪تہٕ کالہِ رازدٲنی سرینگرَس منٛز ووٚن پیپلز ڈیموکریٹک پارٹی (پی ڈی پی) ہٕنٛزِصدر محبوبہ مفتی زِ رِزرویشنُک قونوٗنی ڈانٛچہٕ چھُ گۅڈَے موجود تہٕ وۄنۍ چھُ یہِ صرف نافذ کرنٕچ ضروٗرت۔ پرٛژار ؤسیٖلن سٍتۍکتھ باتھ کٔرِتھ ووٚن محبوبہ مفتی زِ رِزرویشنَس مُتعلِق قونوٗن آو 2023 ہَس منٛز منظور کرنہٕ تہٕ أمۍ سٕنٛدِ مُطٲبِق چھُنہٕ حزب اِختلافَس اَمہِ کِس نفاذَس پٮ۪ٹھ عمل کرنہٕ خٲطرٕ زیادٕ گنجٲیش۔ أمۍ سُنٛد بیان چھُ موجودٕ ریزرویشن سسٹمَس پیٹھ جٲری تنازعَس دوران آمُت۔ موجودٕ ریزرویشن فریم ورکس چُھ اوپن میرٹ امیدوار تہٕ کینٛہہ طٲلبہِ عٔلمہِ گروپن ہٕنٛدِ طرفہٕ سٮ۪ٹھاہ تنقیدُک سامنہٕ کرُن، یِم سرکٲرۍ نوکرین تہٕ پیشہٕ ورانہٕ تعلیمی ادارن منٛز اوپن میرٹ کین موقعن ہٕنٛدِ بڈِ حصُک مطالبہ کران چھِ۔ جموں و کشمیر ریزرویشن (ترمیمی) ایکٹٕچ پارلِمٲنی منظوٗری آیہِ 2023 ہَس مَنٛز دِنہٕ ییٚمۍ 2004 کِس قونوٗنَس منٛز ترمیم کٔر۔