بی جے پی یَن کوٚر اسمبلی رُکنَن ہٕنٛدِس تنخواہَس منٛز ہُریرَس پٮ۪ٹھ اعتراض، عمر عبداللہَن نِیہِ بل واپس۔
جموں و کشمیرٕچ حکوٗمتَن نِیہِ از اسمبلی رُکنَن تہٕ وزیرَن ہٕنٛدِس تنخواہَس منٛز ہُریرَس مُتعلِق بل واپس۔ حزب اِختِلاف بھارتیہ جنتا پارٹی (بی جے پی)کوٚر یہِ موقفٕ پیش زِ تِم چھِنہٕ تنخواہ ہُریرٕ کِس حقَس منٛز ییٚلہِ نہٕ دۄہ دِنہٕ وٲلۍ مُلٲزِم تہٕ باقٕے عارضی مُلٲزِم مُستقل بناونہٕ یِوان چھِ۔ تاہم اوس عمر عبداللہ ہَن پنشنرَن یعنی سٲبقہٕ اسمبلی ارکانَن ہٕنٛدٮ۪ن تنخواہن منٛز ہُریر کرنُک بل پیش کوٚرمُت، یُس اسمبلی پاس اوس کوٚرمُت۔
وزیر اعلیٰ عمر عبداللہ تہِ چھُ وزارت خزانہ ہُنٛد قلمدان تھاوان۔ تٔمۍ کٔر ایوانَس منٛز ترٛیٚیو بلَو منٛز گۄڈٕنِچ پیش، یَتھ پٮ۪ٹھ بی جے پی ایم ایل اے شام لال شرماَن ووٚن بحثَس دوران زِ اسمبلی رُکنَن ہٕنٛدِ تنخواہ منٛز ہُریرٕچ تجویز دِنہٕ سۭتۍ ہیٚکہِ عوٲمی ناراضگی پٲدٕ کٔرِتھ۔
دِلچسپ کتھ چھِ یہِ زِ بی جے پی سینئر لیڈر تہٕ ایم ایل اے سرجیٖت سنگھ سلاتھیا اوس پٔتمہِ ؤریہِ ہاؤس کمیٹی ہُنٛد سربراہ یُس وزیرن تہٕ سٲبقہٕ اسمبلی ارکانَن ہٕنٛدِ تنخواہُک انتظام اوس کران۔