منگلی واڈن وادی منٛز اکھ خوفناک نارٕوٲردات، واریٛاہ رہٲیشی مکانہٕ سوٗرۍ ۔

بۄموارِ تہٕ بۄدوارِ دۄہ چہِ درمِیان رٲژآو جموں کِس کشتواڑ ضِلعہٕ کِس واڈون وادی کِس منگلی علاقَس منٛز نار لگنُک اکھ خوفناک واقعہ پیش ۔ ییٚمہِ سۭتۍ واریٛاہ رہٲیشی مکان پوٗرٕ پٲٹھہِ تباہ سپٕدۍ تہٕ سٲرِسٕے علاقَس منٛز سپٕز افراتفری پٲدٕ ۔

ذرایعو مُطٲبِق لوٚگ اچانک أکِس گٔنۍ آبادی وٲلِس علاقس منٛز نار تہٕ جل نِیِنۍ نزدیٖکی گَرٕ پننِس گِرفتس منٛزیَِمو منٛزٕ زِیٛادٕ تَر گَرٕ لٔکرِ ہِنٛدۍ ٲسۍ ییٚمہِ کِنۍ نار سٮ۪ٹھاہ پٔھلِیاو۔

اِبتِدٲیی اطلاع چھِ ونان زِ نارٕ سۭتۍ چھِ کم از کم 12 رہٲیشی مکانہٕ پوٗرٕ پٲٹھۍ تباہ گٔمٕتۍ، ییٚلہِ زَن باقٕے واریاہَن ڈھانچَن تہِ چھِ مبینہ طور نۄقصان وونمُت۔ مقٲمی لوٗکو کٔر نار قوبوٗ کرنہٕ خٲطرٕ پانَے سخت کوٗشِش تہٕ کٔرٕکھ نار مزید گھرن تام پھٔہلنہٕ نِش رُکاونٕچ کوٗشش۔ ذرایعو مُطٲبِق چھُنہٕ وُنیُک تام کُنہِ تہِ جٲنی نۄقصانُک اطلاع دِنہٕ آمٕژ۔