ریاستٕچ درجہٕ بحٲلی: وزیر اعلیٰ عمر عبداللہ ووت نٔو دِلہِ۔

جموں و کشمیرُک وزیر اعلیٰ عمر عبداللہ ووت بۄدوارِ دۄہ نٔو دِلہِ ییٚتہِ تٔمِس ؤزیٖر اعظم نریندر مودی تہٕ وزیر داخلہ امیت شاہس سۭتۍ مُلاقات کرنٕچ وۄمید چھِ۔ دِلہِ منٛز کَرِ سُہ ؤزیٖر اعظم نریندر مودی تہٕ باقٕے سِیٲسی رہنُماہن سۭتہِ جموں و کشمیرٕچہِ صوٗرتہِ حالس پٮ۪ٹھ کَتھ باتھ۔ حالٕیہ کٔر جموں و کشمیرٕچ نَیہِ حکوٗمتَن ریاستُک درجہٕ بحال کرنَس پٮ۪ٹھ اکھ قرارداد منظوٗر۔ ذٔرایعہٕ چھِ وَنان زِ عمر عبداللہ کَرِ وزیر اعظم نریندر مودی یَس سۭتۍ مِلِتھ ریاستُک درجہٕ بحال کرنہٕ تہٕ تٔمِس اکھ یادداشت پیش۔
ذٔرایعو ووٚن یہِ تہِ زِ اَتھ اَہَم دورَس دوران کَرِ عمر عبداللہ جموں و کشمیرٕچ تعمیر تہٕ ترقی، بےروزگٲری تہٕ باقی اَہَم مسلن پٮ۪ٹھ مرکزی وزیرَن سۭتۍ کَتھ باتھ۔