جموں و کشمیرَس منٛز الگ الگ سڑک حٲدثَن منٛز 5 نفر ہلاک، 4 نفر زخمی.

جموں و کشمیرَس منٛز گٔیہِ الگ الگ سڑک حٲدثَن منٛز کم از کم پانٛژھ نفر ہلاک تہٕ کم از کم ژور زخمی ۔
ذٔرایعن ووٚن زِ شُمٲلی کٔشیٖرِ ہِنٛدِس بانڈی پورہ ضِلعہٕ کِس حاجن علاقس منٛز گوٚو راتھ ژیٖرِ شامَس اَکھ بُزرگ شخٕص ٹریکٹر سۭتہِ ٹاس لگنہٕ سۭتہِ شٔدیٖد زخمی ۔
تٔمۍ ووٚن زِ حالانٛکہِ سُہ آو علاج خٲطرٕ نزدیٖکی ہسپتالَس منٛز دٲخٕل کرنہٕ، مگر تتہِ موجود ڈاکٹرَو کوٚر سُہ موٗدمُت قرار دِنہٕ۔
مرن وٲلِس سٕنٛز شناخت چھِ 60 وُہُر محمد عبداللہ شیخ ناوٕ سۭتۍ کرنہٕ آمٕژ، یُس غلام قادر شیخ سُنٛد نیٚچُو اوس، یُس مارکندل حاجن کِس روزَن وول اوس۔
پُلیٖسن چُھ اَتھ مُتعلِق اَکھ مُقدِمہٕ درٕج کوٚرمُت تہٕ کٔرٕن تٔ
ذٔرایعن ووٚن زِ رامبنَس منٛز سری نگر-جموں قومی شاہراہَس پٮ۪ٹھ مگرکوٹَس نزدیٖک اکھ کار حٲدثہٕ گٔیہِ زٕ نفر ہلاک تہٕ باقی ژور زخمی ۔
تٔمۍ ووٚن زِ کار ٲس سری نگر گژھان تہٕ سٲری سوار ٲسۍ مہاراشٹرا پٮ۪ٹھٕ۔
تٔمۍ ووٚن زِ مرن والٮ۪ن منٛز چھِ ڈرائیور تہٕ اکھ زنانہٕ شٲمِل