بارہمولہ سڑک حٲدثس منٛز بُزرگ شخٕص جاں بحق۔

جُمعہ دۄہ صُبحٲے گوٚو شُمٲلی کٔشیٖرِ ہِنٛدِس بارہمولہ ضِلعہٕ کِس پلہلان علاقس منٛز أکِس سڑک حٲدثس منٛز اَکھ بُزرگ شخٕص موقعہٕ پیٚٹھ مارٕ۔
ذٔرایعَو ووٚن زِ جُمعہ دۄہ صُبحٲے گوٚو بارہمولہ کِس سدربل پلہلان علاقَس منٛز أکِس نامعلوم گاڑِ أمِس ٹاس دِنہٕ سۭتۍ اکھ بُزرگ شخٕص موقعَس پٮ۪ٹھ مارٕ۔
مرن وٲلِس سٕنٛز شناخت چھِ نذیر احمد صوفی ناوٕ سۭتۍ کرنہٕ آمٕژ، یُس پالہلانُک روزن وول اوس۔
تٔمۍ ووٚن زِ ڈرائیور ژوٚل گاڑِ لَگنہٕ پتہٕ موقعہٕ پٮ۪ٹھ۔
أتھہِ دوران چُھ پُلیٖسن اَتھ مُتعلِق اکھ مُقدِمہٕ درٕج کوٚرمُت تہٕ کٔرٕن تٔحقیٖقات شُروع۔