عمر عبداللہ سُنٛد بطورِ وزیر اعلیٰ اکھ ریتھ پوٗرٕ ۔

ییلہِ زن جموں و کشمیرس منٛز عمر عبداللہ سٕنٛز قیادتس منٛز حکومتس اکھ ریتھ پوٗرٕ گوٚو، اسمبلی ہٕنٛدِ طرفہٕ خصوصی درجہٕ بحال کرنہٕ خٲطرٕ منظور کرنہٕ آمٕژ قرارداد ٲس ساروی کھوتہٕ زیادٕ اہمیت۔

وونہِ گو٘ ، عوٲمی حلقن ہُنٛد ونُن چھُ زِ اِنتخٲبی منشورَس منٛز 200 یونٹ مُفت بجلی، 12 گیس سلنڈر تہٕ دۄگنہٕ راشن فراہم کرنہٕ کِس بارَس منٛز چھُنہٕ وُنیُک تام کانٛہہ تہِ فٲصلہٕ کرنہٕ آمُت، ییٚمیُک لوٗکھ بے صبری سان انتظار کران چھِ۔

جموں و کشمیرُک نوٚو منتخب وزیر اعلیٰ عمر عبداللہ سٕنٛدِس قیادتس منٛز چھُ حکومتن اکھ ریتھ پوٗرٕ کوٚرمُت یتھ دوران واریاہ اَہَم فٲصلہٕ آیہِ کرنہٕ۔