سری نگرَس منٛز چھِ سیزنٕچ بیٛاکھ سارِوٕے کھۄتہٕ سرد راتھ ریکارڈ کرنہٕ آمژ۔

سری نگرَس منٛز آیہِ خۄشٕک موسمَ موجودٕ آسنہٕ کِنۍ موسمٕچ بیٛاکھ سارِوٕے کھۄتہٕ سرد رات ریکارڈ کرنہٕ۔ رٮ۪تہٕ کٲلۍ رازدٲنہِ سری نگرَس منٛز چھُ کم درجہ حرارت منفی 2.0 ڈگری سیلسیس ریکارڈ کرنہٕ آمُت، یُس پٔتمہِ رٲژ 1.8 ڈگری سیلسیس کم اوس۔ وادی ہُنٛد اکھ مشہوٗر سیاحتی مُقام گلمرگَس منٛز چھُ کم درجہ حرارت منفی 3.5 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 2.4 ڈگری سیلسیس کم اوس۔
وادی ہُنٛد بیٛاکھ اکھ مشہوٗر سیاحتی مُقام پہلگامَس منٛز چھُ کم درجہ حرارت منفی 4.8 ڈگری سیلسیس ریکارڈ کرنہٕ آمُت، یُس پٔتمہِ رٲژ منفی 1.8 ڈگری سیلسیس کم اوس۔ سرحدی ضِلعہٕ کُپواڑہَس منٛز چھُ کم درجہ حرارت منفی 1.3 ڈگری سیلسیس رِکارڈ کرنہٕ آمُت، یُس پٔتمہِ رٲژ 1.8 ڈگری سیلسیس کم اوس۔ قازیگنڈ قصبہٕ، یُس گیٹ وے آف کشمیر ناوٕ سۭتۍ مشہوٗر چھُ، چھُ کم درجہ حرارت منفی 2.2 ڈگری سیلسیس ریکارڈ کرنہٕ آمُت۔