کٔشیٖر: ہیٚرمٮ۪ن علاقن منٛز شیٖنٕچ پیشن گویی دوران رٲژ ہٕندِس درجہٕ حرارتس منٛز بہتری۔

موسمیات محکمہٕ طرفہٕ وادی کشمیر کٮ۪ن پٮ۪ٹھمٮ۪ن علاقن منٛز ہلکہٕ شین یا روٗدٕچ پیشن گویی دوران چھُ رٲژ ہٕنٛدِس درجہٕ حرارتس منٛز نمایاں بہتری آمٕژ۔

مُتعلقہٕ محکمہٕ کِس ترجمانَس مُطٲبِق ہیٚکہِ 10 تہٕ 11 فروری وادی منٛز کیٚنٛہن جایَن خاص پٲٹھۍ شُمٲلی تہٕ وسطی کشمیر کٮ۪ن ہیٚرمٮ۪ن علاقن منٛز ہلکہٕ شیٖن یا روٗد پیٚتھ، ییٚلہِ زن اتھ وقتس دوران جموں صوبس منٛز ہلکہٕ شیٖن یا روٗد پیٚنُک اِمکان چھُ۔
تٔمۍ ووٚن زِ وادی منٛز روزِ موسم 12 پٮ۪ٹھ 14 فروری تام عام طور خۄشٕک روزنُک امکان۔