سرینگر کِس نوٗر باغ علاقس منٛز نار۔

سری نگر کِس پالپورہ نور باغ علاقس منٛز ژٔنٛدٕروارِ دۄہ صُبحٲے نار لگنہٕ سۭتۍ گٔیہِ پانٛژھ رِہٲیشی مکان۔ فائر اینڈ ایمرجنسی ڈپارٹمنٹٕکۍ أکۍ اہلکارَن ووٚن زِ نار لوٚگ ژٔنٛدٕروارِ دۄہ صبحٲے 11.20 بجہِ نورباغ پال پورہ کِس رکھ کالونی منٛز أکِس رِہٲیشی مکانہٕ منٛزٕ، ییٚمہِ سۭتۍ چشما-زدانَس منٛز نزدیٖکی تعمیٖرٲتی ڈھانچَن لٔگۍ نار۔ تٔمۍ ووٚن زِ ییٚلہِ یہِ اطلاع مِلٮ۪وٚو، فائر ٹینڈر وٲتہِ موقعہٕ پٮ۪ٹھ تہٕ نار بنٛد کرنٕچ کوٗششہِ منٛز آوٕرۍ۔ تٔمۍ ووٚن زِ اَتھ واقعَس منٛز آیہِ پانٛژھ رِہٲیشی مکانات ژٹنہٕ، یِمَو منٛز ترٛےٚ گَرٕ اکھ منزلہٕ تہٕ زٕ گَرٕ ترٛےٚ منزلہٕ ٲسۍ۔ تٔمۍ ووٚن زِ واریاہ محنتہٕ پتہٕ آو نار پٮ۪ٹھ قوبوٗ کرنہٕ۔
اہلِکارَن ووٚن زِ نار لگنُک وجہہ چھُنہٕ وُنیُک تام معلوم گوٚومُت مگر کانٛہہ تہِ جانی نقصان چھُنہٕ آمُت۔