کانٛہہ تہِ مذہب چھُنہٕ اِنسانن ہِنٛدِس قتلس اِجازت دِوان: ڈاکٹر فاروق عبداللہ

جموں و کشمیر نیشنل کانفرنسٕکۍ صدر ڈاکٹر فاروق عبداللہَن چھُ کٹھواہَس منٛز غٲر انسانی واقعَس پٮ۪ٹھ دۄکھُک اِظہار کوٚرمُت تہٕ ووٚنمُت زِ کانٛہہ تہِ مذہب چھُنہٕ اِنسانن ہٕنٛدِ قتلُک اجازت دِوان۔

تٔمۍ کوٚر مرن والٮ۪ن ہٕنٛدٮ۪ن غمزدہ خاندانن سۭتۍ دِلی تعزیت ہُنٛد اِظہار۔
ڈاکٹر فاروق عبداللہَن دِیُت قونوٗن نٲفِظ کرن والٮ۪ن ایجنسیَن زور زِ سُہ کَرِ قتلٕچ تحقیقات فوراً مُکمل تہٕ حٔقیٖقت لوٗکَن برٛونٛہہ کُن انٕنۍ۔