این آئی اے یَن ترٛوو جٔمِس منٛز واریٛاہَن جاین پٮ۪ٹھ چھاپہٕ۔

نیشنل انویسٹی گیشن ایجنسی (این آٮٔی اے) کٔر بۄدوارِ دۄہ دہشت گردَن ہٕنٛز دراندازی کِس معاملَس منٛز جموں کٮ۪ن واریٛاہَن جایَن پٮ۪ٹھ چھاپہٕ۔
حُکامن ووٚن زِ این آیہ اے کہِ ذٔریعہٕ دہشت گردن ہِنٛزِ دراندازی ہِنٛدِس معاملس منٛز چھِ جموں کٮ۪ن 10 ہن مقامن پٮ۪ٹھ چھاپہ مارنہٕ یِوان۔
تٔمۍ ووٚن زِ یہِ کیس اوس پٔتمہِ ؤرۍ یہِ ممنوعہ تنظیمَن لشکر طیبہ تہٕ جیش محمد (جے ای ایم) سۭتۍ تعلُق تھاوَن وٲلۍ سرگرم دہشت گردَن ہٕنٛدِ بین الاقوٲمی سرحد تہٕ لائن آف کنٹرول (ایل او سی) ذٔریعہٕ ہندوستانَس منٛز دٲخٕل گژھنٕچ رپورٹَن ہٕنٛدِس بُنیادس پٮ۪ٹھ درٕج کرنہٕ آمُت۔
اَتھ مُتعلِق چھِ مزیٖد تفصیٖلَن ہُنٛد انتظار۔