حکوٗمت چھِ 200 یونٹ مُفت بجلی فراہم کرنٕچ پابند: عمرعبداللہ

وزیر اعلیٰ عمر عبداللہَن ووٚن زِ حکوٗمت چھِ لوٗکَن 200 یونٹ مُفت بجلی فراہم کرنہٕ خٲطرٕ پرعزم ۔

تٔمۍ ووٚن زِ یہِ یِیہِ گۄڈٕ ساروِی کھۄتہٕ زِیٛادٕ مستحق لوٗکَن سۭتۍ شروع کرنہٕ تہٕ پتہٕ یِیہِ امیُک دائرٕ بڑاونہٕ۔

بۄموارِ دۄہ اسمبلی منٛز اَتھ معاملَس پٮ۪ٹھ پیپلز کانفرنسٕک صدر تہٕ ایم ایل اے سجاد لون سٕنٛدِ طرفہٕ دِنہٕ آمتِس سوالُک جواب دِنہٕ وِزِ ووٚن وزیر اعلیٰ سُنٛد یہِ کَتھ۔