سرحدی علاقن منٛز خوف تہٕ دہشتُک سایہٕ، فصل وقتہٕ برٛونٛہہ ژٹنُک تہٕ زیر زمین بنکر تیار کرنُک عمل جٲری۔

لائن آف کنٹرول (ایل او سی) پٮ۪ٹھ ہندوستان تہٕ پاکستانس درمیان جٲری تناؤ چھُ جموں و کشمیر کٮ۪ن سرحدی گامَن منٛز خوف تہٕ گھبراہٹ ہُنٛد ماحول پٲدٕ کوٚرمُت، ییٚتہِ مقٲمی باشندٕ نہ صرف پنٕنۍ فصل وقتہٕ برٛونٛہہ کاٹنہٕ خٲطرٕ مجبور گٔمٕتۍ بلکہ زیر زمین بنکرَن ہٕنٛز تیاری یا مرمت کرنٕچ عملہِ چھِ واریٛاہَن جایَن پٮ۪ٹھ زور پٲدٕ کوٚرمُت۔ مقٲمی ذٔرایعن ووٚن زِ پٔتِمٮ۪ن دۄن ہفتَن منٛز پٲکِستٲنہِ فوجَن ہٕنٛدِ طرفہٕ وقفہٕ وقفہٕ بغٲر اشتعال فائرنگ تہٕ گولہ باری سۭتۍ چھِ ایل او سی یَس سۭتۍ پوٗنچھ، راجوری، مینڈھر، نوشہرہ، کپواڑہ، اوڑی تہٕ سندربنی کٮ۪ن گٲمی علاقن منٛز روزَن وٲلۍ ساسہٕ بٔدۍ لوٗکَن ہٕنٛز زِنٛدگی مفلوج گٔمٕژ۔
راجوری کِس روزَن وٲلۍ رفیق احمدَن ووٚن زِ "أسۍ چھِ پنٕنۍ شُرۍ محفوٗظ تھونہٕ تہٕ دۄہَس خستہٕ حال بنکرَن ہٕنٛز مرمت کرنہٕ خٲطرٕ پوٗرٕ رٲژ جاگان تاکہِ اگر صورتحال خراب گٔیہِ، کم از کم روزن جاے۔ ‘
نوشہرہ کِس أکِس زٔمیٖن دار غلام حسینَن ووٚن زِ فصل اوس نہٕ وُنیُک تام پوٗرٕ پٲٹھۍ تیار، مگر دۄہ دۄہ گولہِ چلنُک خوف۔