پرٛٮ۪تھ کانٛہہ چھُ یژھان زِ جنگ بٔنٛدی ہُنٛد معاہدٕ روزِ جٲری، سوائے ٹی وی چینلَن ہٕنٛدٮ۪و کینٛژھو اینکرو ورٲے:عمرعبداللہ

جموں و کشمیرٕک وزیر اعلیٰ عمر عبداللہَن ووٚن زِ ہندوستان تہٕ پاکستانَس درمیان جنگ بٔنٛدی پٮ۪ٹھ گژھہِ اکھ معاہدٕ برقرار تھاونہٕ یُن۔ تٔمۍ کوٚر یہِ تہِ ذِکِر زِ پرٛٮ۪تھ کانٛہہ چھُ اَمہِ خٲطرٕ یژھان، تہٕ صرف کینٛہہ ٹی وی چینل اینکر چھِ اَتھ محادَس خٕلاف۔ وزیر اعلیٰ یَن کوٚر بۄموارِ دۄہ شُمٲلی کشمیر کِس شہر کرناہَس منٛز گولہ باری سۭتۍ گژھَن وٲلۍ تبٲہی ہٕنٛدِس جٲیزس دوران رپورٹرَن ہٕنٛدٮ۪ن سوالن ہُنٛد جواب دِنہٕ وِزِ یِمَن خیالن ہُنٛد اِظہار۔